Dragash: Dy persona ndalohen pasi hodhën marihuanë nga dritarja e veturës

  Dragash, 24 qershor 2026 – Policia e Kosovës ka raportuar një rast të posedimit të paautorizuar të substancave narkotike në territorin e komunës së Dragashit.   Sipas njoftimit policor, gjatë një kontrolli të një automjeti me targa vendore, në të cilin ndodheshin dy persona meshkuj kosovarë, pasagjeri ka hedhur nga dritarja e veturës një sasi të dyshuar të substancës narkotike.   Pas verifikimit dhe matjes së substancës së konfiskuar, është konstatuar se bëhet fjalë për 5.39 gramë marihuanë.   Policia ka sekuestruar substancën e dyshuar, ndërsa lidhur me rastin është njoftuar prokurori kompetent.   Me vendim të prokurorit, rasti është iniciuar si “Posedim i paautorizuar i narkotikëve” dhe vazhdon në procedurë të rregullt.   Autoritetet kanë bërë të ditur se hetimet lidhur me rastin do të vazhdojnë.   Burimi: Policia e Kosovës   /Dragash Info/