U MBAJT TAKIM INFORMUES PËR TESTIN E ARRITSHMËRISË DHE MATURËN SHTETËRORE 2026 NË DRAGASH

📚 Sot në Komunën e Dragashit u mbajt një takim informues dhe koordinues me administruesit e Testit të Arritshmërisë dhe Testit të Maturës Shtetërore 2026.   Gjatë takimit, përfaqësuesi i DVSM-së (Divizioni për Vlerësim, Standarde dhe Monitorim) në kuadër të MASHTI-t, z. Afrim Rrahmani, prezantoi detyrat, përgjegjësitë dhe procedurat që duhet të ndiqen nga administruesit gjatë organizimit dhe mbajtjes së testeve kombëtare.   Takimi u vlerësua si mjaft i rëndësishëm për koordinimin dhe përgatitjen profesionale të administruesve, me synimin që Testi i Arritshmërisë dhe Matura Shtetërore 2026 të zhvillohen sipas standardeve dhe rregullave të përcaktuara nga MASHTI. — Dragash Info