Kryetari Xheladini pret në takim lamtumirës komandantin e KFOR-it në Dragash

Kryetari i Komunës së Dragashit, Bexhet Xheladini, ka pritur sot në takim lamtumirës komandantin e Komandës Rajonale të Perëndimit të KFOR-it (RC-W), kolonelin Federico Mora.   Gjatë takimit, kryetari Xheladini e ka falënderuar kolonelin Mora për mbështetjen dhe bashkëpunimin e vazhdueshëm me institucionet lokale, duke vlerësuar veçanërisht kontributin e Njësisë së LMT-së në Dragash.   Sipas njoftimit të kryetarit Xheladini, gjatë takimit është rikonfirmuar gatishmëria për vazhdimin e bashkëpunimit të ngushtë ndërmjet Komunës së Dragashit dhe KFOR-it, në funksion të sigurisë, stabilitetit dhe mirëqenies së qytetarëve.   Kolonelit Federico Mora iu uruan suksese në angazhimet e tij të ardhshme, ndërsa u shpreh mirënjohje për bashkëpunimin e deritanishëm. /Dragash Info/