Ndahet nga jeta Selim Krasniqi, ndër organizatorët e parë të UÇK-së në rajonin e Prizrenit

Ndahet nga jeta Selim Krasniqi, ndër organizatorët e parë të UÇK-së në rajonin e Prizrenit   Prizren është tronditur sot nga lajmi për ndarjen nga jeta të Selim Krasniqi, një nga emrat e hershëm dhe kontribuuesit kyç në organizimin e Ushtria Çlirimtare e Kosovës në rajonin e Prizrenit. Selim Krasniqi nuk ishte vetëm një komandant i luftës, por një ndër veprimtarët e parë që dha kontribut të çmuar në krijimin e strukturave fillestare të UÇK-së. Veprimtaria e tij patriotike kishte nisur shumë më herët, në kohën e organizimeve ilegale, ku ai shquhej si një ndër figurat kryesore në konsolidimin e rrjeteve të rezistencës dhe përgatitjes ushtarake. Bashkëluftëtarët e kujtojnë si një njeri të përkushtuar dhe vizionar, i cili kontribuoi në ndërtimin e celulave të para që më vonë u shndërruan në forcën çlirimtare që solli lirinë për Prizrenin dhe më gjerë. Njoftohen detajet e ceremonisë mortore Organizata e Veteranëve të Luftës së UÇK-së ka bërë të ditur se ceremonitë e lamtumirës për komandantin Selim Krasniqi do të mbahen më 23 prill 2026 në Prizren, sipas këtij orari: • 11:00 – 12:00: Homazhe në Shtëpia e Kulturës “Xhemajli Berisha” • 12:00: Mbledhje komemorative në nderim të jetës dhe veprës së tij • 13:00: Ceremonia e varrimit dhe falja e xhenazes në Varrezat e Dëshmorëve në Landovicë Ndërsa familjarë, bashkëluftëtarë dhe qytetarë të shumtë pritet t’i japin lamtumirën e fundit një prej figurave të rëndësishme të luftës çlirimtare. — Dragash Info