Kampioni i Botës 2026 do të fitojë shpërblimin më të madh në historinë e Kupës së Botës

Finalja e Kupës së Botës 2026, që zhvillohet sonte në stadiumin MetLife në New Jersey, nuk do të përcaktojë vetëm kampionin e ri të botës, por edhe fituesin e shpërblimit më të madh financiar në historinë e këtij kompeticioni.   Argjentina ose Spanja do të arkëtojnë 50 milionë dollarë nga FIFA për triumfin në finale. Së bashku me 1.5 milionë dollarë të ndara për përgatitjet, federata kampione do të përfitojë gjithsej 51.5 milionë dollarë.   Ky është shpërblimi më i lartë i dhënë ndonjëherë për fituesin e Kupës së Botës, duke tejkaluar edhe 42 milionë dollarët që Argjentina fitoi pas triumfit në Katar më 2022.   Shpërblimet për kampionët ndër vite:   1982 – Itali: 2.2 milionë $   1986 – Argjentinë: 2.8 milionë $   1990 – Gjermani Perëndimore: 3.5 milionë $   1994 – Brazil: 4 milionë $   1998 – Francë: 6 milionë $   2002 – Brazil: 8 milionë $   2006 – Itali: 20 milionë $   2010 – Spanjë: 30 milionë $   2014 – Gjermani: 35 milionë $   2018 – Francë: 38 milionë $   2022 – Argjentinë: 42 milionë $   2026 – Argjentinë ose Spanjë: 50 milionë $     Përveç lavdisë sportive dhe ngritjes së trofeut më prestigjioz në futboll, fituesi i finales së sotme do të hyjë në histori edhe si përfituesi i shpërblimit më të madh financiar të dhënë ndonjëherë nga FIFA.   /Dragash Info/