Trafoja në qendër të Restelicës pritet të zhvendoset, reagon asamblisti Danis Hoxha

⚡ Trafoja në qendër të Restelicës pritet të zhvendoset, reagon asamblisti Danis Hoxha   Asamblisti i Kuvendit Komunal të Dragashit, Danis Hodža, ka njoftuar qytetarët e Restelicës lidhur me problemet që lidhen me trafon elektrike në Çarshi.   Sipas tij, është planifikuar që trafoja të largohet nga qendra e fshatit, me arsyetimin se ky veprim do të ndikojë në rritjen e sigurisë dhe përmirësimin e kushteve për banorët.   Në reagimin e tij publik, Hoxha theksoi se zhvendosja e trafos do të realizohet pavarësisht kundërshtimeve eventuale.   🗣️ “Trafoja do të zhvendoset nga qendra e fshatit për të përmirësuar sigurinë dhe kushtet për të gjithë qytetarët. Pëlqehet apo jo nga dikush, trafoja do të largohet nga qendra e fshatit”, thuhet në deklaratën e tij.   Ky zhvillim ka ngjallur diskutime mes banorëve të Restelicës, ndërsa pritet që institucionet përgjegjëse të japin detaje shtesë rreth realizimit të projektit dhe lokacionit të ri të trafos. — Dragash Info