Dr. Selami Sylejmani nderohet në kongres ndërkombëtar shkencor

Dr. Selami Sylejmani nderohet në kongres ndërkombëtar shkencor Një sukses i rëndësishëm për mjekësinë kosovare është shënuar nga gjinekologu Dr. Selami Sylejmani, i cili ka përfaqësuar Kosovën si ligjërues i ftuar në një nga ngjarjet më të rëndësishme shkencore ndërkombëtare, “AFGO 1st International Congress”. Në këtë kongres, ku morën pjesë mbi 20 ligjërues nga vende të ndryshme si Italia, Greqia, Mali i Zi, Maqedonia e Veriut, Rumania dhe Shqipëria, Dr. Sylejmani prezantoi ligjëratën me temë:   “Diagnostikimi i hershëm i shtatzënisë ektopike – Një ekzaminim, një vendim jetik që shpëton jetë”. Për kontributin dhe paraqitjen e tij profesionale, ai u nderua me titullin “Honorary Member” nga kryetari i AFGO-së, një vlerësim që dëshmon përkushtimin dhe nivelin e lartë profesional të mjekëve nga Kosova në arenën ndërkombëtare. Ky sukses përbën jo vetëm arritje personale për Dr. Sylejmanin, por edhe një nder të veçantë për shtetin e Kosovës, duke dëshmuar potencialin dhe cilësinë e profesionistëve shëndetësorë në vend.   — Dragash Info