🇽🇰 Dragashi në festë për 18-vjetorin e Pavarësisë së Kosovës Dragash, 16 shkurt 2026 Në kuadër të manifestimeve për s…
🇽🇰 Dragashi në festë për 18-vjetorin e Pavarësisë së Kosovës
Dragash, 16 shkurt 2026
Në kuadër të manifestimeve për shënimin e 18-vjetorit të Pavarësisë së Kosovës, në Dragash u zhvilluan aktivitete sportive me pjesëmarrje të gjerë të nxënësve dhe arsimtarëve.
Turneu i volejbollit me vajzat e Gjimnazit “Ruzhdi Berisha”, si dhe turneu i futbollit me nxënës dhe arsimtarë të shkollave të komunës, u karakterizuan nga një atmosferë festive, energji pozitive, sportivitet dhe respekt i ndërsjellë. Këto aktivitete i dhanë një dimension të veçantë festimeve, duke bashkuar të rinjtë dhe komunitetin në frymën e 17 Shkurtit.
Drejtoresha për Kulturë, Rini dhe Sport në Komuna e Dragashit, Liridona Misinaj Piraj, ka ftuar qytetarët që t’i bashkohen aktiviteteve të planifikuara për ditën e nesërme.
📅 Programi i aktiviteteve:
🕘 Ora 09:30 – Seanca solemne
🌹 Pas seancës – Homazhe dhe vizitë te varrezat e dëshmorëve në Dragash dhe Buqe
🎶 Ora 11:00 – Koncert dhe manifestim kulturor i organizuar nga SHKA Bresana
Festimet pritet të vazhdojnë në një atmosferë dinjitoze, duke nderuar sakrificën për liri dhe duke forcuar ndjenjën e unitetit në komunën e Dragashit.
— Dragash Info
