Hysen Bojaxhiu (PSD): Festivali “Opoja Vallëzon” duhet të mbahet në qendrën e Komunës së Dragashit

  Hysen Bojaxhiu nga PSD ka reaguar lidhur me organizimin e Festivalit Ballkanik “Opoja Vallëzon”, duke ngritur shqetësimin se ky aktivitet kulturor vazhdon të mbahet në fshatin Bresanë dhe jo në qendrën e Komunës së Dragashit.   Sipas tij, ndonëse festivali është një ngjarje me rëndësi për komunën, ai që nga themelimi e deri më sot nuk është organizuar asnjëherë në qytetin e Dragashit, i cili, sipas Bojaxhiut, do të duhej të ishte vendi ku do të bashkoheshin të gjitha fshatrat e komunës, si ato shqiptare ashtu edhe ato gorane.   Ai vlerëson se organizimi i vazhdueshëm në Bresanë e bën festivalin më pak të qasshëm për qytetarët e pjesëve të tjera të komunës, ndërsa shton se Dragashi është shndërruar kryesisht në një qendër administrative, ku qytetarët shkojnë vetëm për të kryer obligimet e tyre, pa pasur aktivitete të rëndësishme kulturore.   Sipas Bojaxhiut, një festival i karakterit komunal dhe ballkanik do të duhej të zhvillohej në qendrën e komunës, në mënyrë që të ishte më përfaqësues dhe më i qasshëm për të gjithë qytetarët.   Burimi: Reagimi publik i Hysen Bojaxhiut (PSD).