Ilir Mirena fton diasporën të kthehet në Kosovë: “Tash s’keni arsye mos me u kthy” Ilir Mirena, zyrtar dhe analist po…
Ilir Mirena fton diasporën të kthehet në Kosovë: “Tash s’keni arsye mos me u kthy”
Ilir Mirena, zyrtar dhe analist politik, ka bërë një thirrje të hapur ndaj diasporës shqiptare për t’u kthyer në Kosovë dhe për të kontribuar në zhvillimin e vendit.
Në një postim publik, Mirena ka nënvizuar mundësitë që diaspora ka për të marrë pjesë aktive në jetën sociale, ekonomike dhe arsimore të Kosovës.
“Hajde diaspora – bjerini fëmijët në shkollat tona që nga shtatori, ejani të kërkoni punë këtu; ju që jeni në skema sociale atje, ejani të merrni ndihmat sociale nga Qeveria Kurti; ju të bizneseve, sillni firmat këtu. Tash s’keni arsye mos me u kthy në Kosovë. Mos t’ju ni kah ankoheni mo”, ka shkruar Mirena.
Deklarata e tij vjen pas numërimit të votave nga diaspora, ku rreth 80% e tyre kanë votuar për Lëvizjen Vetëvendosje, partinë në pushtet, duke treguar mbështetjen e lartë të komunitetit jashtë vendit për qeverisjen aktuale.
Mirena ka theksuar se tani janë të gjitha mundësitë e nevojshme që qytetarët e diasporës të rikthehen dhe të kontribuojnë, duke përfshirë punësim, arsimin e fëmijëve dhe mbështetje sociale.
Deklarata e tij vjen në një kohë kur Qeveria e Kosovës po promovon politika për të inkurajuar rikthimin e qytetarëve nga diaspora dhe për të përfshirë ata në zhvillimin ekonomik dhe social të vendit.