Përditësimi i fundit nga KQZ: VV fiton mandatin e 57-të, PDK humb një deputet Komisioni Qendror i Zgjedhjeve (KQZ) po…
Përditësimi i fundit nga KQZ: VV fiton mandatin e 57-të, PDK humb një deputet
Komisioni Qendror i Zgjedhjeve (KQZ) po vazhdon procesin e numërimit të votave nga zgjedhjet e mbajtura më 28 dhjetor.
Sipas rezultateve të përditësuara të publikuara nga KQZ dhe kalkulatorit zyrtar për ndarjen e mandateve në Kuvendin e Kosovës, Lëvizja Vetëvendosje ka fituar edhe një mandat shtesë, duke e çuar numrin total të deputetëve në 57.
Si pasojë e këtij ndryshimi, Partia Demokratike e Kosovës (PDK) ka humbur një mandat, duke rënë në 22 deputetë.
Ndërkohë, për partitë tjera nuk ka ndryshime në ndarjen e mandateve.
Lidhja Demokratike e Kosovës (LDK) mbetet me 15 deputetë, ndërsa Aleanca për Ardhmërinë e Kosovës (AAK) me 6 deputetë.
KQZ ka bërë të ditur se procesi i numërimit dhe verifikimit të votave është ende në vazhdim, ndërsa rezultatet përfundimtare do të konfirmohen pas përmbylljes së të gjitha procedurave ligjore.
— Dragash Info
