Të rinjtë në Dragash po trajnohen në Web Development në Qendrën Rinore AVOKO

Në Qendrën Rinore AVOKO në Dragash po vazhdon me sukses trajnimi në Web Development, ku të rinjtë e komunës së Dragashit po zhvillojnë aftësi të rëndësishme në fushën e teknologjisë informative.

Përmes mentorimit profesional dhe punës praktike, pjesëmarrësit po mësojnë zhvillimin e ueb-faqeve dhe po fitojnë njohuri konkrete që kërkohen gjithnjë e më shumë në tregun modern të punës në sektorin e IT-së. Gjatë këtij trajnimi, idetë e të rinjve po shndërrohen në projekte digjitale, duke i përgatitur ata për mundësi të reja profesionale në të ardhmen.

Ky aktivitet realizohet në kuadër të projektit “Fuqizimi i Komuniteteve të Margjinalizuara në Dragash përmes Trajnimeve Profesionale në Dizajn Tekstili dhe Teknologji Informative”, i cili zbatohet nga AVOKO me mbështetjen e Qeverisë Gjermane përmes GIZ Kosovo.

Ky projekt synon të rrisë mundësitë e të rinjve për zhvillim profesional dhe punësim, duke kontribuar në ndërtimin e një të ardhmeje më të qëndrueshme dhe digjitale për komunitetin në Dragash.