Kosova (Vajzat) vazhdon me fitore – mposht Bullgarinë dhe ruan kreun e grupit

Kosova (Vajzat) vazhdon me fitore – mposht Bullgarinë dhe ruan kreun e grupit   Kombëtarja e vajzave të Kosovës ka shënuar një tjetër sukses të rëndësishëm në kuadër të kualifikimeve për Kampionatin Botëror 2027, duke triumfuar me rezultat 3:1 ndaj përfaqësueses së Bullgarisë. Me këtë fitore bindëse, vajzat dardane vazhdojnë serinë pozitive dhe konfirmojnë formën e lartë në Grupin 2 të Ligës C, duke ruajtur vendin e parë në renditje. Paraqitja e tyre në fushë u karakterizua nga angazhimi, loja kolektive dhe vendosmëria për të arritur rezultat pozitiv. Ky sukses është një tjetër dëshmi e progresit të vazhdueshëm të futbollit të femrave në Kosovë dhe një motiv shtesë për ndeshjet e ardhshme në këtë rrugëtim drejt Botërorit. Krenaria për performancën e vajzave dardane po rritet çdo ditë, ndërsa pritjet për rezultate pozitive vazhdojnë. — Dragash Info