Reagim i ashpër për tabelën informuese në sheshin e Prishtinës: Pretendohet shtrembërim i së vërtetës për Masakrën e Dubravës

Reagim i ashpër për tabelën informuese në sheshin e Prishtinës: Pretendohet shtrembërim i së vërtetës për Masakrën e Dubravës Vendosja e një tabele informuese në sheshin e Prishtinës ka nxitur reagime të forta publike, pasi përmbajtja e saj po cilësohet si e pasaktë dhe e dëmshme për të vërtetën historike. Ish i burgosuri politik dhe gazetari Sadik Zeqiri ka reaguar publikisht, duke e cilësuar këtë paraqitje si shtrembërim serioz të fakteve. Sipas tij, të dhënat e paraqitura në tabelë, ku përmendet se në Dubravë janë vrarë 48 shqiptarë të armatosur dhe 58 civilë, janë të pavërteta dhe të papranueshme. Zeqiri thekson se në Burgun e Dubravës nuk ka pasur të burgosur të armatosur dhe se të gjithë kanë qenë civilë të pambrojtur. Ai rikujton se sipas dëshmive dhe dokumentimeve ekzistuese, 116 të burgosur shqiptarë janë vrarë gjatë kësaj ngjarjeje tragjike, mbi 400 të tjerë janë plagosur, ndërsa ende konsiderohet i zhdukur veprimtari politik Ukshin Hoti. Në reagimin e tij, ai kërkon përgjegjësi institucionale dhe korrigjim të menjëhershëm të përmbajtjes së tabelës. Rasti ka nxitur debat në opinionin publik për mënyrën e trajtimit të historisë në hapësirat publike dhe nevojën për saktësi në paraqitjen e fakteve historike. — Dragash Info