Shaqir Totaj emëron Samra Ilijazin Drejtoreshë të Inspektorateve në Prizren
Kryetari i Komunës së Prizren, Shaqir Totaj, ka njoftuar se ka emëruar Samra Ilijazi në pozitën e Drejtoreshës së Inspektorateve.
Sipas Totajt, ky emërim bëhet në kuadër të procesit për kompletimin e ekzekutivit komunal, i cili pritet të përmbyllet së shpejti. Ai ka theksuar se synimi është që puna në komunë të vazhdojë me angazhim, profesionalizëm dhe përkushtim maksimal në shërbim të qytetarëve të Prizrenit.
“Kam emëruar Samra Ilijazin në pozitën e Drejtoreshës së Inspektorateve, derisa cikli i emërimeve për kompletimin e ekzekutivit pritet të përmbyllet së shpejti, me qëllim që të vazhdojmë me angazhim, profesionalizëm dhe përkushtim në realizimin e punëve për Prizrenin,” ka deklaruar Totaj.
— Dragash Info
