Sencar Karamuço emërohet drejtor i Kadastrës dhe Gjeodezisë në Prizren
Sencar Karamuço është emëruar drejtor i Drejtorisë së Kadastrës dhe Gjeodezisë në Komunën e Prizrenit.
Emërimi i tij është bërë në kuadër të riorganizimit dhe funksionimit të drejtorive komunale, me qëllim të përmirësimit të shërbimeve në fushën e kadastrës, gjeodezisë dhe menaxhimit të pronës.
Drejtoria e Kadastrës dhe Gjeodezisë ka rol kyç në çështjet e regjistrimit të pronave, hartave kadastrale dhe procedurave administrative që lidhen drejtpërdrejt me qytetarët dhe bizneset në komunë.
Nga Komuna e Prizrenit pritet që emërimi i ri të kontribuojë në rritjen e efikasitetit, transparencës dhe përmirësimin e shërbimeve për qytetarët.
— Dragash Info
