Flamur Sylejmani: Pas ankesës sonë pritet rikthimi i energjisë elektrike
Sekretari i përgjithshëm i PDK-së në Dragash, Flamur Sylejmani, ka bërë të ditur se pas ankesës së paraqitur, energjia elektrike pritet të rikthehet së shpejti.
Në një reagim publik, Sylejmani ka falënderuar institucionet për ndërhyrjen e bërë pas shqetësimeve të ngritura.
“Pas ankesës sonë, energjia pritet të rikthehet së shpejti. Faleminderit institucioneve për ndërhyrjen”, ka deklaruar Sylejmani.
Reagimi vjen pas ndërprerjeve të energjisë elektrike që kanë prekur zonën, ndërsa pritet që furnizimi të normalizohet në orët në vijim.
