Zafir Berisha: Emërimet e drejtorëve në Prizren nxjerrin në dritë pazare të errëta Zafir Berisha ka reaguar ashpër li…
Zafir Berisha: Emërimet e drejtorëve në Prizren nxjerrin në dritë pazare të errëta
Zafir Berisha ka reaguar ashpër lidhur me emërimet e fundit të drejtorëve në qeverisjen lokale të Prizrenit, duke i cilësuar si pjesë e një “bashkëqeverisjeje kriminale” që ka funksionuar mbi 15 vjet larg syve të publikut.
Sipas Berishës, emrat e drejtorëve vetëm sa i vërtetojnë dyshimet për pazare të dyshimta, ndërsa reagimet dhe pakënaqësitë që shprehin disa nga qytetarët apo përfaqësuesit politik “bien në vesh të shurdhër”.
Ai tha se shumë nga ata që shprehin pakënaqësi gjatë mbledhjes së votave nuk kanë qenë të vetëdijshëm për atë që po ndodhte pas shpinës së tyre, duke e cilësuar situatën si një “rezultat që tashmë ka dalë në dritë”.
“Prokuroria në Prizren do të ketë shumë punë. Prona dhe taksat e qytetarëve nuk janë mall që mund të tregtohen sipas interesave të ngushta të klaneve të caktuara”, theksoi Berisha, duke shtuar se ligjet dhe rregullat duhet të vlejnë për të gjithë.
Ai paralajmëroi se as veprimet e dyshimta në parkingjet nëntokësore të qendrave tregtare nuk do të kalojnë pa përgjegjësi dhe përmendi thënien popullore: “Çka mbjell, atë do të korrësh në fund.”
— Dragash Info