Botë
Vizitë në punimet e çerdhes së fëmijëve në Bresanë Kryetari i Komunës së Dragashit ka vizituar sot punimet që po zhvi…
Vizitë në punimet e çerdhes së fëmijëve në Bresanë
Kryetari i Komunës së Dragashit ka vizituar sot punimet që po zhvillohen në ndërtimin e çerdhes së fëmijëve në fshatin Bresanë.
Vizita u realizua gjatë ditës së vikendit, ndërsa kryetari përmes një njoftimi publik ka bërë të ditur se projekti ka për qëllim krijimin e kushteve më të mira për edukimin parashkollor në këtë zonë.
Sipas tij, investimi në ndërtimin e çerdhes do të kontribuojë në përmirësimin e shërbimeve për fëmijët dhe familjet e Bresanës, si dhe në zhvillimin e infrastrukturës arsimore në Komunën e Dragashit.
Punimet në këtë projekt po vazhdojnë sipas planifikimeve të parapara dhe objekti pritet t’i shërbejë komunitetit lokal pas përfundimit të tyre./Dragash Info
