Usmen Baldzi reagon: “Paaftësia në pushtet po i kushton qytetarëve” Në një reagim publik lidhur me situatën aktuale n…
Usmen Baldzi reagon: “Paaftësia në pushtet po i kushton qytetarëve”
Në një reagim publik lidhur me situatën aktuale në trevën e Gorës, Usmen Baldzi, Kryetar i Koalicionit VAKAT – dega Dragash dhe asambleist në Kuvendin Komunal të Dragashit, ka kritikuar ashpër qeverisjen lokale.
Sipas Baldzit, gjendja e krijuar si pasojë e reshjeve të borës ka nxjerrë në pah mungesën e përgjegjësisë dhe paaftësinë e strukturave në pushtet, ndërsa qytetarët janë ata që po e paguajnë çmimin.
“Ata janë të paaftë në pushtet dhe populli paguan çmimin. Bora po zbulon vetëm gjurmët e paaftësisë së tyre,” ka deklaruar Baldzi.
Ai ka kërkuar reagim më të shpejtë dhe angazhim serioz institucional për përballimin e situatës, duke theksuar se qytetarët e Gorës nuk duhet të mbesin të izoluar apo të neglizhuar gjatë kushteve të vështira atmosferike.
— Dragash Info