Trajnim mbi Drejtësinë Tranzicionale në OJQ AVOKO Në kuadër të trajnimit të organizuar nga Ministria e Drejtësisë e K…
Trajnim mbi Drejtësinë Tranzicionale në OJQ AVOKO
Në kuadër të trajnimit të organizuar nga Ministria e Drejtësisë e Kosovës, në ambientet e OJQ AVOKO u zhvillua një sesion dinamik dhe gjithëpërfshirës mbi temën e drejtësisë tranzicionale.
Gjatë këtij sesioni u diskutua për shtyllat kryesore të drejtësisë tranzicionale, përfshirë të vërtetën, drejtësinë, dëmshpërblimet për viktimat si dhe rëndësinë e reformave institucionale për ndërtimin e një shoqërie më të drejtë dhe më të bashkuar. Pjesëmarrësit theksuan se ballafaqimi me të kaluarën dhe forcimi i mekanizmave të drejtësisë janë hapa të domosdoshëm për rritjen e besimit qytetar në institucione.
Trajnimi u karakterizua nga diskutime të hapura, shkëmbim përvojash dhe reflektim të thelluar mbi sfidat dhe mundësitë që ofron drejtësia tranzicionale në kontekstin e Kosovës.
OJQ AVOKO ritheksoi përkushtimin e saj për të krijuar hapësira për dialog, reflektim dhe fuqizim qytetar, duke kontribuar në ndërtimin e një të ardhmeje me më shumë besim, transparencë dhe drejtësi për të gjithë.
— Dragash Info
