Sanohen defektet në rrjetin e ujësjellësit në fshatin Bresanë

Sanohen defektet në rrjetin e ujësjellësit në fshatin Bresanë Pas ankesave të shumta nga banorët për furnizim të pamjaftueshëm me ujë të pijshëm, Kryetari i fshatit Bresanë, Vezir Reshiti, ka njoftuar për ndërhyrjet e kryera në rrjetin e ujësjellësit.   Së bashku me Bajram Rakipin dhe Naser Reshitin, ai ka identifikuar dhe rregulluar defektet kryesore te Kroi i Ferrës dhe Xhybra e Shainit, të cilat po ndikonin në mungesën e ujit. Sipas tij, pas këtyre ndërhyrjeve pritet që furnizimi me ujë të stabilizohet. Rezhiti apelon tek banorët që të përdorin ujën me kujdes, të shmangin keqpërdorimet dhe të kontrollojnë rrjedhjet apo prishjet eventuale në rrjetet e tyre. Ai gjithashtu nënvizon rëndësinë e angazhimit të të rinjve në situata të tilla për të kontribuar në zgjidhjen e problemeve të komunitetit.   — Dragash Info