Rruga magjistrale Restelicë–Dragash, gjendje e rrezikshme në zonën kufitare Banorët e komunës së Dragashit, në trevën…
Rruga magjistrale Restelicë–Dragash, gjendje e rrezikshme në zonën kufitare
Banorët e komunës së Dragashit, në trevën e Gorës, kanë dërguar në redaksinë tonë foto dhe video që tregojnë gjendjen e vështirë të rrugës magjistrale Restelicë–Dragash, afër fshatit Glloboqic, në vendin e quajtur Buka.
Edhe pse traktori pastrues i komunës ka kaluar në këtë segment, rruga mbetet e rrezikshme dhe e vështirë për t’u kaluar. Situata shqetësuese prek edhe zonën kufitare me Shqipërinë, ku ndodhen dy pika të hapura për qarkullim: Shishtavec dhe Borje.
Banorët kërkojnë ndërhyrje të menjëhershme nga autoritetet komunale për të parandaluar aksidente dhe për të siguruar qarkullimin e lirë në këtë rrugë strategjike.
Redaksia ka publikuar një video që dokumenton gjendjen aktuale të rrugës dhe situatën e vështirë për qytetarët.
— Dragash Info