Memli Krasniqi: Sot, mesazhi ishte i qartë dhe i njëzëshëm, drejtësi dhe liri për çlirimtarët Ish-kryetari i PDK-së,…
Memli Krasniqi: Sot, mesazhi ishte i qartë dhe i njëzëshëm, drejtësi dhe liri për çlirimtarët
Ish-kryetari i PDK-së, Memli Krasniqi, ka vlerësuar protestën e sotme në Shkup, ku shqiptarë nga të gjitha trojet u bashkuan për të mbrojtur dinjitetin dhe luftën e drejtë të UÇK-së, raporton Dragash Info. Ai e përshkroi tubimin si gjithëkombëtar, të qetë dhe dinjitoz, duke theksuar mesazhin e njëzëshëm për drejtësi dhe liri për çlirimtarët.
Postimi i plotë:
Sot, në sheshin “Skënderbeu” në Shkup, u bashkuan shqiptarë nga të gjitha trojet për të mbrojtur dinjitetin, të vërtetën dhe luftën e drejtë të UÇK-së.
Një protestë gjithëkombëtare, e qetë, dinjitoze dhe e fuqishme, dëshmi se kjo kauzë është më e madhe se secili prej nesh.Mesazhi ishte i qartë dhe i njëzëshëm: drejtësi dhe liri për çlirimtarët.