KRU “Hidroregjioni Jugor” njofton: Reshjet e dendura mund të shkaktojnë ndërprerje të furnizimit me ujë në Prizren Pr…
KRU “Hidroregjioni Jugor” njofton: Reshjet e dendura mund të shkaktojnë ndërprerje të furnizimit me ujë në Prizren
Prizren – Kompania Rajonale e Ujësjellësit, KRU “Hidroregjioni Jugor”, ka njoftuar qytetarët se për shkak të reshjeve të dendura atmosferike, burimet kryesore që furnizojnë qytetin e Prizrenit kanë filluar të turbullohen. Eksiston mundësia e rritjes së mëtejshme të turbullirës në orët dhe ditët në vijim.
Autoritetet bëjnë apel që qytetarët të bëjnë rezervim të ujit të pijshëm, pasi në raste të caktuara mund të ndodhin ndërprerje të përkohshme të furnizimit. Kjo bëhet për të garantuar sigurinë dhe cilësinë e ujit për konsum.
Ekipet teknike të KRU-së po monitorojnë situatën në mënyrë të vazhdueshme dhe po punojnë për stabilizimin e burimeve dhe rikthimin e furnizimit në gjendje normale sa më shpejt të jetë e mundur.
Qytetarët njoftohen të:
💦 Mos e përdorin ujin për pije deri në njoftimin e radhës.
💦 Rezervojnë sasi të mjaftueshme uji për nevoja bazike familjare, për shkak të ndërprerjeve të mundshme.
💦 Ndjekin njoftimet e radhës për informacione shtesë.
Kompania falënderon qytetarët për mirëkuptimin dhe bashkëpunimin.
— Dragash Info