Kërkohet burgim i përjetshëm për Milos Pleskovic, i dënuar për krime lufte në Prizren – Nesër seanca e Apelit Nesër,…
Kërkohet burgim i përjetshëm për Milos Pleskovic, i dënuar për krime lufte në Prizren – Nesër seanca e Apelit
Nesër, në orën 10:00, në Gjykatën e Apelit do të mbahet seanca ndaj Milos Pleskovicit, i dënuar për krime lufte në Kosovë në shtator të vitit 1999. Vendimi është apeluar nga të dyja palët.
Avokati i familjeve të dëmtuara, të cilave iu vranë tre civilë shqiptarë pranë Prizrenit, kërkon që Pleskovic të dënohet me burgim të përjetshëm. Ndërkohë, avokatja e të akuzuarit ka kërkuar uljen e dënimit të caktuar nga Gjykata Themelore e Prishtinës, e cila e kishte dënuar me 15 vjet burg në korrik të vitit 2025.
Pleskovic u arrestua në shtator të vitit 2023.
Sipas aktakuzës së Prokurorisë Speciale, më 1 shtator 1998 ai dhe disa individë të tjerë, të veshur me uniformë, ishin të stacionuar në kodrat përreth Prizrenit për shkak të konfliktit në zonë. Ai akuzohet se qëlloi me pushkë automatike Kallashnikov ndaj personave në lagjen Hoca, të cilët kishin shkuar për të prerë dru për lëndë djegëse.
Seanca e Apelit pritet të vendosë mbi kërkesat për ndryshimin e dënimit, ndërsa familjet e dëmtuara presin drejtësi të plotë.
© Dragash Info