Hoxhallarët marrin pjesë në varrimin e Dom Kelmend Spaqit në Velezhë

Hoxhallarët marrin pjesë në varrimin e Dom Kelmend Spaqit në Velezhë Dom Kelmend Spaqi është varrosur sot në Velezhë, në një ceremoni mortore ku morën pjesë familjarë, besimtarë dhe personalitete të shumta. Dom Kelmend Spaqi njihej për kontributin e tij atdhetar dhe humanitar, veçanërisht gjatë periudhave të vështira, ku përmes angazhimit në kishë ai kishte mbrojtur edhe civilët shqiptarë nga dhuna e forcave serbe. Një moment domethënës i ceremonisë ishte pjesëmarrja e hoxhallarëve, duke dëshmuar edhe një herë bashkëjetesën dhe respektin ndërfetar në Kosovë. Krahas tyre, në varrim morën pjesë edhe figura të njohura nga jeta publike. Ceremonia u zhvillua me nderime të veçanta për jetën dhe veprën e tij, duke e kujtuar si një figurë që i shërbeu popullit dhe vendit me përkushtim. — Dragash Info