Emergjencë në komunën e Dragashit pas reshjeve të dendura – banorët të jenë të kujdesshëm Pas reshjeve të shumta që k…
Emergjencë në komunën e Dragashit pas reshjeve të dendura – banorët të jenë të kujdesshëm
Pas reshjeve të shumta që kanë rënë në territorin e komunës së Dragashit, ka pasur përmbytje të lumenjve dhe shfaqje të rrëshqitjeve të tokës. Shtabet komunale dhe operatorët ekonomikë janë në terren dhe po monitorojnë situatën për të siguruar mbrojtjen e qytetarëve dhe pasurisë së tyre.
Sipas Drejtorit për Emergjenca, Redzep Ibrahimi, bashkë me Drejtorin e Kadastrës, Drejtorin e Shëndetësisë dhe Shefin e Zyrës për Pakicat, janë ndërmarrë të gjitha masat e nevojshme për sanimin e dëmeve dhe sigurimin e zonave të rrezikuara.
Në pjesën e trevës së Gorës të komunës tonë, dëmet më të mëdha janë raportuar në fshatrat Mlik, Rapç, Orçushë dhe Vranisht.
Në Mlike, përmbytja e një përroi ka shkaktuar hyrjen e ujit në disa shtëpi dhe bodrume.
Në rrugën që të çon drejt Orçushës, përmbytja ka dëmtuar pjesë të rrugës.
Ndërsa në rrugën drejt Rapçës, uji ka kaluar mbi urë për shkak të sasisë së madhe të ujit.
Autoritetet bëjnë thirrje që qytetarët të tregojnë kujdes të shtuar në zonat e përmbytura dhe ato me rrezik nga rrëshqitjet e tokës.
Në rast nevoje për ndihmë, banorët mund të kontaktojnë Shërbimin e Zjarrfikësve në numrin 193.
— Dragash Info