Evakuohen dy familje në Rahovec pas reshjeve të shumta Reshjet e dendura kanë krijuar vështirësi të mëdha për disa fa…
Evakuohen dy familje në Rahovec pas reshjeve të shumta
Reshjet e dendura kanë krijuar vështirësi të mëdha për disa familje në komunën e Rahovecit, të cilat kanë mbetur të ngujuara në shtëpitë e tyre.
Organet konpetente komunale, në bashkëpunim me trupat e Forcës së Sigurisë së Kosovës (FSK), kan realizuar evakuimin e dy familjeve në fshatin Xërxë, duke siguruar daljen e tyre të sigurt nga zonat e rrezikuara.
Për gjendjen shëndetësore të qytetarëve të evakuuar kujdes pati stafi i Qendrës Kryesore të Mjekësisë Familjare (QKMF) në Rahovec, i cili ofroi ndihmën e parë mjekësore dhe më pas i dërgoi për trajtim të mëtejshëm sipas nevojës.
Autoritetet lokale apelojnë tek qytetarët që të tregojnë kujdes maksimal dhe të shmangin lëvizjet e panevojshme në këto kushte të vështira atmosferike.
— Dragash Info
