Trumpi synon investime 100 miliardë dollarë nga gjigantët amerikanë të naftës në Venezuelë Presidenti i Shteteve të B…
Trumpi synon investime 100 miliardë dollarë nga gjigantët amerikanë të naftës në Venezuelë
Presidenti i Shteteve të Bashkuara, Donald Trump, ka zhvilluar një takim të premten në Shtëpinë e Bardhë me disa nga kompanitë më të mëdha të naftës në botë, duke kërkuar që ato të investojnë 100 miliardë dollarë në Venezuelë për të rritur prodhimin e naftës në këtë shtet të Amerikës Jugore.
“Ne do të diskutojmë si këto kompani të mrekullueshme amerikane mund të rindërtojnë industrinë e vjetruar të naftës së Venezuelës dhe të sjellin miliona fuçi prodhim në përfitim të Shteteve të Bashkuara, popullit të Venezuelës dhe tërë botës,” tha Trump.
Ai vlerësoi një marrëveshje të re me udhëheqësit e përkohshëm të Venezuelës për 50 milionë fuçi naftë të papërpunuar drejt SHBA-së dhe tha se synon që dërgesat të vazhdojnë për kohë të pacaktuar.
Zyrtarët amerikanë kërkojnë kontroll mbi shitjet dhe të hyrat nga nafta venezueliane, ndërsa disa kompani si Chevron, Vitol dhe Trafigura po garojnë për licensa për të investuar, megjithëse shumë prej tyre ngurrojnë për shkak të kostove të larta dhe situatës politike të pasigurt.
— Dragash Info