Behrami i përgjigjet LDK-së: Thaçi frymëzoi më shumë nga 12 m² të qelisë se sa të tjerët me 11 mijë km² të Kosovës De…
Behrami i përgjigjet LDK-së: Thaçi frymëzoi më shumë nga 12 m² të qelisë se sa të tjerët me 11 mijë km² të Kosovës
Deputeti i Partisë Demokratike të Kosovës, Artan Behrami, ka reaguar ashpër ndaj një deklarate të deputetit të Lidhjes Demokratike të Kosovës, Besian Mustafa, i cili kishte thënë se LDK kishte bërë “gabim trashanik” kur kishte votuar Hashim Thaçi për president të vendit.
Në reagimin e tij publik, Behrami thekson se, sipas tij, Thaçi ka frymëzuar më shumë qytetarët shqiptarë nga paraburgimi sesa kundërshtarët e tij politikë nga institucionet e Kosovës së lirë.
“Sipas meje, në këto pesë vjet, Hashim Thaçi ka frymëzuar më shumë shqiptarët nga 12 metra katrorë të qelisë së tij, sesa të tjerët me 11 mijë kilometra katrorë të Kosovës së lirë – për të cilën nuk kanë asnjë meritë”, ka deklaruar Behrami.
Ai ka shtuar se, sipas tij, shumë politikanë kanë hyrë në politikë dhe kanë marrë poste publike duke u përpjekur ta demonizojnë ish-presidentin Thaçi, pa ofruar asnjëherë vizion apo zgjidhje konkrete për vendin.
“Shumica keni hyrë në politikë dhe keni marrë poste publike duke u munduar të demonizoni Hashim Thaçin, pa ofruar vizion e zgjidhje për vendin. Por ajo kohë ka kaluar. Nuk ka më poste publike që burim e kanë urrejtjen, thikat pas shpine apo rrugët e shkurtra”, ka shkruar ai.
Reagimi i Behramit vjen në vazhdën e përplasjeve të fundit politike ndërmjet përfaqësuesve të Partia Demokratike e Kosovës dhe Lidhja Demokratike e Kosovës, lidhur me rolin dhe trashëgiminë politike të ish-presidentit Hashim Thaçi.
— Dragash Info