PDK nis përgatitjet për zgjedhjet e brendshme partiake Partia Demokratike e Kosovës (PDK) ka mbajtur sot mbledhjen e…
PDK nis përgatitjet për zgjedhjet e brendshme partiake
Partia Demokratike e Kosovës (PDK) ka mbajtur sot mbledhjen e Kryesisë, të dytën pas zgjedhjeve të 28 dhjetorit, ku u diskutua analiza e procesit zgjedhor dhe rezultati i arritur.
Gjatë mbledhjes, Kryesia shqyrtoi të gjitha çështjet që lidhen me zgjedhjet e fundit, ku PDK renditet si forca e dytë politike, duke ruajtur mbështetjen e saj tradicionale. Janë nxjerrë gjithashtu rekomandime konkrete për hapat e mëtejshëm politikë dhe organizativë në të gjitha nivelet e partisë.
Si hap i parë drejt forcimit të strukturave, Kryesia ka vendosur nisjen e përgatitjeve për zgjedhjet e brendshme partiake, të cilat do të zhvillohen në të gjitha nivelet organizative – nga nëndegët dhe degët, deri te organet qendrore të partisë.
Procesi do të fillojë gjatë javëve në vijim me emërimin e grupeve punuese dhe hartimin e hapave konkretë, me synim një proces gjithëpërfshirës, demokratik dhe transparent.
PDK synon kështu konsolidimin e strukturave partiake, forcimin e unitetit të brendshëm dhe përgatitjen për sfidat politike të ardhshme.
— Dragash Info