Deklarata të shumta, rruga ende e bllokuar Sot qytetarët e Komunës së Dragashit përballen me probleme të mëdha në rru…
Deklarata të shumta, rruga ende e bllokuar
Sot qytetarët e Komunës së Dragashit përballen me probleme të mëdha në rrugën Krushevë – Glloboçicë, pas dy rrëshqitjeve të përsëritura dheu në të njëjtin segment.
Gjatë ditës janë dhënë disa deklarata publike nga përfaqësues politikë dhe institucionalë:
Danis Hodža, këshilltar komunal i Jedinstvena Goranska Partija (JGP), njoftoi se ka zhvilluar takim me kryetarin e komunës, Bexhet Xheladini, dhe nënkryetarin nga radhët e komuniteteve jo-shumicë, Fejsal Halilović, për mirëmbajtjen e rrugës Dragash–Restelicë dhe pastrimin e segmentit të rrëshqitjes. Hodža falënderoi kryetarin për reagimin e shpejtë.
Nga ana tjetër, Socialdemokratska Unija, përmes Duda Balje, informoi se rrëshqitja e gurëve në hyrje të fshatit Krushvë u evidentua menjëherë dhe ekipet kanë dalë në terren për sanim emergjent. Falënderime u shprehën edhe për kompaninë përgjegjëse për reagim të shpejtë.
Megjithatë, realiteti në terren mbetet i njëjtë: rruga në këtë segment vazhdon të jetë e bllokuar për qarkullim për shkak të rrëshqitjeve të përsëritura, duke shkaktuar vështirësi të mëdha për qytetarët dhe mungesë sigurie.
Kjo situatë tregon se pavarësisht deklaratave dhe lëvdatave publike, punë konkrete për zgjidhjen e problemit ende nuk ka.
— Dragash Info