Themelohen strukturat e reja të SDA-së në Dragash Sot, në një takim të mbajtur në restorantin “Meka” në Dragash, ësht…
Themelohen strukturat e reja të SDA-së në Dragash
Sot, në një takim të mbajtur në restorantin “Meka” në Dragash, është riaktivizuar dhe themeluar Këshilli Iniciativ i SDA-së në Dragash.
Sipas njoftimit, qëllimi kryesor i këtij këshilli do të jetë realizimi i të drejtave të komunitetit goran në të gjitha fushat e jetës shoqërore, të cilat, sipas tyre, deri më tani kanë qenë të neglizhuara, të keqpërdorura dhe të manipuluara nga subjekte politike dhe organizata të ndryshme që kanë vepruar për vite me radhë në këtë pjesë të Kosovës.
Gjatë takimeve dhe bisedave me banorë goranë nga Rapça, Restelica, Radeša, Leštani, Dragashi dhe fshatra të tjera, është arritur marrëveshje për bashkëpunim të hapur dhe të sinqertë me organizata qeveritare dhe joqeveritare, ambasada dhe Komunën e Dragashit, me qëllim që të ndihmohen të gjithë goranët – përfshirë edhe ata që identifikohen si boshnjakë – të cilët janë lënë pas dore në realizimin e të drejtave të tyre.
Fokusi i këtij bashkëpunimi do të jetë punësimi i barabartë dhe qasja e drejtë në grante dhe donacione, veçanërisht në fushën e bujqësisë, zhvillimit të ndërmarrësisë dhe shërbimeve të ndryshme.
Deri në mbajtjen e kuvendit themelues, këshilli iniciativ do të udhëhiqet nga Faris Šemsedini nga Rapça, i cili është vlerësuar si aktivist i respektuar dhe i angazhuar. Ai, së bashku me anëtarët dhe mbështetësit e tij, në koordinim të vazhdueshëm me kryetarin dhe udhëheqjen e SDA të Kosovës, do të angazhohet për përmirësimin e kushteve të jetesës së goranëve në Gorë dhe në mbarë Kosovën, në përputhje me programin politik të SDA-së, e cila thekson barazinë e të drejtave për të gjithë qytetarët dhe komunitetet fetare në Kosovë.
— Dragash Info
