Më 6 shkurt organizohet aksion për dhurimin vullnetar të gjakut në Dragash Qendra Kombëtare e Kosovës për Transfuzion…
Më 6 shkurt organizohet aksion për dhurimin vullnetar të gjakut në Dragash
Qendra Kombëtare e Kosovës për Transfuzionin e Gjakut njofton se të enjten, më 6 shkurt 2026, në ambientet e Hotel Meka në Dragash, do të organizohet një aksion për dhurimin vullnetar të gjakut.
Aksioni do të mbahet nga ora 12:00 deri në 15:00 dhe ka për qëllim sigurimin e gjakut për të sëmurët dhe të lënduarit që po trajtohen në spitalet e vendit.
Në këtë aktivitet humanitar ftohen të gjithë qytetarët që gëzojnë shëndet të mirë, të cilët përmes dhurimit vullnetar të gjakut mund të japin një kontribut të drejtpërdrejtë në shpëtimin e jetëve. Një dhurim i vetëm gjaku mund të bëjë dallimin mes jetës dhe vdekjes për pacientët në nevojë, duke e bërë këtë akt një nga format më të larta të solidaritetit njerëzor.
Organizatorët u bëjnë thirrje qytetarëve që të marrin pjesë dhe të kontribuojnë në këtë nismë humanitare.
— Dragash Info