Gjendet pas një muaji trupi i pajetë i Jurgen Karajt Pas rreth një muaji kërkimesh intensive, është gjetur trupi i pa…
Gjendet pas një muaji trupi i pajetë i Jurgen Karajt
Pas rreth një muaji kërkimesh intensive, është gjetur trupi i pajetë i Jurgen Karajt, 30-vjeçarit i cili u zhduk pasi automjeti me të cilin udhëtonte ra në lumë më 10 janar.
Trupi i pajetë është gjetur në afërsi të fshatit Urakë, gjatë patrullimit me gomone nga forcat e ushtrisë. Në vendin e ngjarjes është nisur edhe grupi hetimor, i cili po merret me procedurat e mëtejme ligjore.
Ngjarja e rëndë ka ndodhur më 10 janar, rreth orës 01:30, kur automjeti që drejtohej nga Andi Losha (24 vjeç) dhe ku si pasagjer ishte Jurgen Karaj, ka rënë në përrua.
Sipas njoftimit të policisë, drejtuesi i automjetit është larguar nga vendngjarja pa njoftuar autoritetet dhe pa i dhënë ndihmë pasagjerit, për të cilin dyshohet se është marrë nga rrjedha e ujit.
Andi Losha është arrestuar nga policia, ndërsa pas testimit është konstatuar se ai e kishte drejtuar mjetin në gjendje të dehur.
Hetimet për zbardhjen e plotë të rrethanave të ngjarjes janë në vazhdim.
— Dragash Info